Evento pri Europana komunikado
Kar amiki,
Ye venerdio, la 22ma di junio 2007, en l'oficeyo di la Bundespresseamt (
federala ofico por medii) Berlin eventis unesma-ranga diskutado pri la linguala
komunikado
en Europa ed en Europan uniono.
La titulo esis:
Parolo-duelo: Multeso lingual en Europa : Ka kulturala posedajo o luxo ?
En la duelo diskutis 3 personi
- sioro Jochen Richter, la reprezentanto dil EU-komisito por linguala multeso
- prof-o Norbert Walter, chefekonomisto di la Deutsche Bank
- d-ro Rudolf Fischer, prezidanto di la Germana Esperanto-Asocio .
Omnu de li prizentis sua opiniono:
- sioro Richter: singla linguo en Europa havez sua plaso , do multeso linguala.
- prof-o Norbert Walter: L ´Angla esas ja hodie la internaciona komunikilo. Ica
linguo devez bone docesar ja dum frua yuneso. Hodie olua uzado esas
ne-renuncebla.
- d-ro Fischer tre bone explikis l´avantaji di sua linguo: plu ekonomiala,
neutra, ponto-linguo ec. Lu deziris ke sua linguo esez docata kom unesma linguo
en skoli.
Lu expresis
deziro ke Esperanto havez ibe la sama kondicioni quale l´altra lingui.
Omna civitano povis anuncar sua partopreno ad ica evento, a qua la societo
"Europa-Union Deutschland" invitis.
Inter multa partoprenanti esis ambasaderi-ani, sindikatani, jurnalisti, docisti
d´universitati ed altra instituci. Inter ica cirkume cent gasti esis grupo di
Esperantisti ( kun d-ro D. Blanke, qua diskursis koram la partopreninti di la
Berlinan Ido-renkontro) e la Ido-amiki Berlin.
Regretinde la askoltanti havis tro poka okaziono por deklarar lia opinioni.
On pregis la askoltanti votar inter 3 manieri di la komunikado:
- konservar la multeso di la lingui
- Angla
- Esperanto
Rezumo: Omna duelani ed askoltanti konsentis ke la omna lingui esez protektenda.
Ka nur un linguo, la gasti ne esis konvinkita pri to. Kad Angla od Esperanto :
poka majoritato votis por l´Angla.
Inter ca varianti l´Idoamiki Berlin anke votis favore nia linguala
mi-frato.
Ni ma esperas ke la diskutado pri la linguala komunikado duros.
Ni anke opinionas ke kontakti , konversadi a responsivi en cienci e eminenti
devas sempre serchesar. Forsan la voyo a komuna linguo nur
existas pri konstant atencigo di la publiko di la problemo komunikala.
Komenti en la Germana
linguo koncerne la diskutado e la temo e la posibleso enskribar propra
komenti trovesas
hike.
Amikala saluti
Eberhard Scholz
Ido-Amiki Berlin
Retre a la pagino pri la novaji che la Germana Ido-Societo
Retre a la komencpagino dil Germana Ido-Societo