Ido-renkontreto kun interesemi en Berlin
Dum junio 2003 en la
Germana chefurbo Berlin renkontris mikra grupo di novici ed interesemi di Ido.
Inter olu trovesis exemple studentino ed
ex-instruktisto gimnaziala.
Me volas raportar pri la
instruktisto ,sioro Schlemminger. Ilu forte sustenas la progresado di nia linguo
en diversa direcioni. Il urjante postulas skriptar e fabrikar nova, moderna
lernolibreteto por Germane parolanti , por ke onu publike povas konstatar : Ido
vere vivas en Germania. Ilu esis meceno koncerne poka chera anunci en diala
jurnalo . Maxim laste e kompreneble il es pronta instruktor la esperenda
plugrandeskanta grupeto.
La plugrandigo esas
reala, nam kelka personi ankore mankis ed exkuzis su pro desfavora termino e pro
urjanta laboro e vakanci en foreso.
De la foreso de Pomerania ( regiono ye Baltiko e ye frontiero Polona), quo
situesas en Nordesto di Germania, venis nia samideano e mediko profesoro W.Quies
fortunoze ad ica kunveno. Ilu - per sua paroli - tre sustenas la hikea penadi
por fondeskar e krear Idala bazo en la Germana chefurbo.
Me admiras profesoro Quies , di qua la libertempo esas normale tre mikra e qua
tamen ne hezitis voyajar dum kelka hori . Me expresas mea gratitudo
ad ilu , anke pro lua kurajinda paroli.
Eberhard Scholz