Prizento-di-Nul-valoranto

Günter Schlemminger prizentis sua nova Ido-libro en Berlin

Ye la 27ma di julio 2024 Günter Schlemminger prizentis sua nova libro en Berlin. Il tradukis la novelo "Ek la vivo di nul-valoranto" da Joseph von Eichendorff ad Ido.
La libro havas 212 pagini kontenante la Germana originalo e la Ido-tradukuro. La libro kustas 23 Euri.
Günter bezonis quar monati por la tradukado. Il naracis ke il posedis, ma nultempe lektis la novelo en la Germana, ante tradukar ol aden Ido.
Günter naracis ke la ideo tradukar ca libro esis konsequantajo di vizito dil urbo Köthen. Ibe Günter Schlemminger vizitis la ja mortinta Idisto Günter Anton.
Günter Anton montris a Günter Schlemminger l'urbo e la domo en Köthen en qua Joseph von Eichendorff lojis por kurta tempo. La filiino di Joseph von Eichendorff komprabis ca domo.
La novelo "Ek la vivo dil nul-valoranto" publikigesis en yaro 1826 ed esis kulmino dil literaturala epoko dil tarda romantikismo en Germania. La novelo esis adaptita kom filmo plurafoye.
Günter Schlemminger naracis ke il spektis la filmo-versiono dil GDR da Celino Bleiweiß ek la yaro 1973 en cinemo. La chefa rolon dil Nul-valoranto pleis la Usana-aktoro Dean Reed.

d-ro Thomas Schmidt