Internaciona Idorenkontro 2019 en la Germana chefurbo Berlin)
Internaciona Idorenkontro 2019 en la Germana chefurbo Berlin
Dum la tempo inter la 05ma di septembro 2019 (arivo) e la 09ma di septembro 2019 (departo) eventos l'internaciona Idorenkontro 2019 en la Germana chefurbo Berlin.
La majoritato di asistonti povos lojar en la hotelo "Baerliner Pension", ube prerezervesis omna disponebla unlitizita e dulitizita chambri por l'Idisti.
Omna chambri en la hotelo "Baerliner Pension" ya esas komendita da Idisti, do nula chambro plus esas disponebla ibe.
L'organizeri dil Idorenkontro povis rezervar plusa dulita chambri (anke uzebla da un singla persono) en la hotelo HOLI-Hotel/Hostel, Woennichstr. 68-71 en D- 10317 Berlin.
La kontributo po dulita chambro e nokto esas 77,85 EURO inkluzite dejuneto.
(tualeteyi e dusheyi situesas sur l'etajo.)
Omna interesati pri partopreno, qui deziras uzar un di ta dulita chambri esas pregata anuncar la partopreno ed ica deziro tam balde kam posible sendante e-postala mesajo al e-postala adreso, qua trovesas hike.
La sequanta hotelo ankore situesas proxime a la hotelo Baerliner Pension. Ibe on ipsa devas rezervar bezonata chambri.:
* Hotelo Nova (situesas direte che la fervoyala, urbo-tren- e metroo-staciono Berlin-Lichtenberg.)
* Plusa loj-posibleso esas l'Adolecanto-Sejorno proxime la urbo-tren-staciono Ostkreuz.
Ibe bezonesas "DHJ-pasporto, quan on povas komprar surloke (cirkume 12 Euro).
Omna partoprenanti, qui rezervas lia chambri ipsa tamen esas pregata anuncar lia partopreno sendante e-postala mesajo al e-postala adreso, qua trovesas hike.
La direktantaro di GIS nun serchos e rezervos apta konfereyo por nia cayarala Idorenkontro e plu tarde decidas pri la plusa manjaji komendebla ed informos hike pri to.
La sequanta programo esas projetita:
Jovdio, la 05ma di septembro 2019:
- arivo e komuna dineo
Venerdio, la 06ma di septembro 2019:
- antedimeze: Laborkunsido
- posdimeze: exkurso en Berlin
Saturdio, la 07ma di septembro 2019
- antedimeze: laborkunsido
- posdimeze: 14:00 kloko yarchefkunveno dil Germana Ido-Societo r.a. en la "KultSchule", Sewanstr. 43, D- 10319 Berlin, ube anke situesas l'arkivo dil Germana Ido-Societo r.a..
Sundio, la 08ma di septembro 2019:
- totjorna exkurso a Berlin od Potsdam
lundio, la 09ma di septembro 2019:
- departo od individuala restado en la hotelo e programo til la 10ma o 11ma di septembro 2019
L' aranjeri dil internaciona Idorenkontro 2019 prejoyas renkontrar kun multa konocata ed anke nova parolanti ed interesemi di nia komuna linguo Ido.