Germana Ido-Societo / Raporto pri la yarchefkunveno 2013
Raporto pri la yarchefkunveno dil Germana Ido-Societo r.a. ye la 15ma di junio 2013
La yarchefkunveno di GIS 2013 eventis ye la 15ma di junio 2013 ye 03.00 kloko posdimeze en la gasteyo Werner en Edermuende - Grifte (distrikto Schwalm-Eder).
de sinistre: Günter ed Eevi Schlemminger (Berlin), Frank Kasper (avane) ( Nürnberg), Eberhard Scholz (Berlin),
Detlef Groth (dope) e filiulo Emil (Caputh), Laura Klusaite (Berlin), Gerd Heintze (Rastatt),
Dieter Schmidtchen (dope) (Edermünde-Grifte) ed Alfred e Heidi Neussner (avane) de Waldkappel.
fotograferino: Eberlein
Idiliatre jacant inter kolini e monteti, la vilajo Edermünde-Grifte en Hasia ofris bona kuliso a la partopreninti dil oficala yarchefasemblo dil German Ido-Societo por diskutar e konversar amikesale.
Cirkume 12 societani, inter li nia seniora membri Alfred Neußner e lua spozino, askoltis la raporto di d-ro Detlef Groth, prezidanto di la GIS, en olqua lu prizis la aktiveso di direktanti e di singla membri.
Pri la stando di societala financi raportis detaloze nia kasisto Dieter Schmidtchen. Pose ni diskutis intense pri amba raporti.
Un jurnalistino di la regionala jurnalo HNA vizitis nia asemblinti en la restorerio „Werner“
e fotografis l´asistanti. Inter la gasti ni salutis anke un membro di la sindikato „IG Metall“,
ad ilqua tre plezas la fenomeno di komuna linguo. Ilu promisis avantajizar nia projetlinguo en la sindikatal diskuto pri la komunikado en futura Europa.
A nia joyo ni anke salutis itere nia Eritrea amiko Esaya, quan ni ankore konocas depos Echternach. Inter la partoprenanti anke trovesis Emil, puerulo evanta 6 yari.
La diligenta organizanto dil mikra Germana renkontro, nia amiko Dieter, anke preparabis bona turismal programeto. Del altajo di Herkules ni havis fantatastika regardo vers la panoramo di Kassel.
Pro lua afabla aranjuri dum tota renkontro nia sincera gratitudo apartenas a nia amiko Dieter en Grifte, en verda „kordio di Hasia“.
Informi koncerne plusa programo aranjita ye la 14ma e 15ma di junio 2013 trovesas hike (en Germana).
Germanlinguala raporto pri la yarchefkunveno e la jornordino trovesas hike (en Germana).
Kordiala saluti
La direktantaro dil Germana Ido-Societo r.s.